संताली सोहराय सेरेञ
(1)
दाई ना दाई, माराङ दाई ! देला से दाई ना,नोडोङ लेनमे ;
हाती लेकान पोरोब दाई नाय सेटेर हिजुक कान।
नाम दाई ना, लोटा दाक्
नित्र दाई ना, झारी दाक
हाती लेकान पोरोब दाईलाङ नाताङ नादेरे।।
नाम दाई ना, थारी दाक :
निञ दाई ना, बाटी दाक :
हाती लेकान पोरोब दाईलाङ तुरसी दागेया।
नाम दाई ना, लोटा दाक
निञ दाई ना, बाटी दाक
कापिल गाय चाँवाँर तेलाङ नेवेर नादेरे।
(2)
बाहा रे दो, सोहराय रे दो,
लाई ते हो लायाञमे, भाई रे भाई !
इञ हों, भाई रे, आपे रेन गे।
सेन्दरा रे दो, कारका रे दो,
हिरी ते हों हिरीयिञमे, भाई रे भाई ।
इञ हों, भाई रे, आपे रेन गे।।
(3)
आपुञ-बारेञ नातो रे तुम्दाक-टामाक साडे कान
तुम्दाक-टामाक दुलदुलाउक कान।
निगाञ बाडेय ताहन खान
गेल-बार खोजे खोज किञ :
बारेञ बोड़ेय ताहेन खान,
गेल-बान कोस साँगिञ खोने बानिज निदो किञ ।
जारे-जारे पोरायनी, दाक ताला रे पोरायनी ,
पोरायनी साकाम लेकाञ टोलमोलावक कान।
दे हो जुरी | देला जुरी | निदी कामे, सेटेर कामे ;
पोरायनी सानाम लेकाञ टोलमोलावक कान।।
(4)
नाम दो जुगी | हो जगी | दिसोम जगोम दाँडांना
निगाञ-नापुञ रूप दो जुगी । बानिजाञमे।
जाङ बाहा नुपेल एना, धुबी घाँस दा जानाम एन
नगाम-नापुम रूप दो, दुलाड़ । तोकारेम आम ?
(5)
दिसोम रे दो बाबूम जुतुम आकाना ;
आतो रे दो बाबूम खामिद आकाना |
बिदमे से बाकू ! सोरेर खुण्टी ;
तोलेमे से बाबू ! राइला डाँगरा ।
(6)
बेरेत्, बेरेत बेरेत्मे से गातिञ हो !
चिरगाल, चिरगाल, चिरगालमे से गातिञ हो ।
कोयण्डाको मापाक-गोपोच् कान !
बेरेत्, बेरेत्, बेरेत्मे से गातित्र हो !
चिरगाल, चिरगाल, चिरगालमे से गातिञ हो
बादोलीको ञेपेत-गोपोच कान।
चेते लागित् मापाक काना, गातिञ हो ?
चेते लागिति गोपोच काना, गातिञ हो ?
चेते लागित् मापाक गोपोच् कान ?
सीमा लागित मापाक काना, गतिञा हो !
डाण्डी लागित् गोपोच् काना, गातिञ हो !
बादोलीको ञेपेत्-गोपोच कान।।
(7)
बाबू जा | तिरिया बाबू | नालोम नोराङ ,
बाबू जा | तुम्दाक, बाबू । नालोम रूया ;
बाबू जा | जालापुरी रे जुरी दो मनायताम।
नायो गो | तिरिया नोरोड नालोम मानाञ
नायो गो | तुम्दाक रूरू नालाम मानाञ,
नायो गो । किमिनमे दो बाञ हिरमाय।।
नायो गो | तिरिया नोरोङ नालोम मानाञ ,
नायो गो । आबेन ताहेन भोर, नायो ।
होडमो रासकाञ बाहलाव गितिञा।।
(8)
नििञञ गुजुक रे हो, बाबू | नायोय गुजुक रे हो ,
नॉइ दाक रे दो, बाबू । बाहा, बाबू | बोहावमे ,
बर्गत् रूवाड र दो, बाबू ! मेंत-दाक जोदमे ।।
(9)
कूल्ही कुल्ही नालोम दाड़ान बाबु जा,
कुल्ही कुल्ही नालोम दाड़ान बाबु जा,
ताला कुल्ही रे बोंगाय जुलुक कान ||
ताला कुल्ही रे बोंगाय जुलुक कान ||
कुल्ही दाड़ान नालोम मानायिञ माराङ हिली,
कुल्ही दाड़ान नालोम मानायिञ माराङ हिली,
ईञ हो हिलीरिन बोंगा लेकान गे ||
ईञ हो हिलीरिन बोंगा लेकान गे ||
एनेज सेरेञ नालोम दाड़ान बाबु जा,
एनेज सेरेञ नालोम दाड़ान बाबु जा,
लोमोक लुरी बाहुदोय बागी याम ||
लोमोक लुरी बाहुदोय बागी याम ||
एनेज सेरेञ नालोम मानायिञ माराङ हिली,
एनेज सेरेञ नालोम मानायिञ माराङ हिली,
लोमोक लुरी बाहुदुञ ञामे गे ||
लोमोक लुरी बाहुदुञ ञामे गे ||
(10)
राज कोदो रापाज कोदो,
नायोगो हाती.. चेतान ते,
नायोगो सादोम हाती चेतान ते ||
नायोगो रास को सागुन केअ ||
माझी कोदो प्राणिक कोदो,
नायोगो गाडो चेदान रे,
नायोगो माची चेतान रे,
नायोगो सार को सागुन दो ||
आले लेकान प्रजा कोदो,
नायोगो तांङ हांडी रे,
नायोगो बोडोज हांडी रे,
नायोगो सार ले सागुन दो ||
No comments:
Post a Comment